25 jier Iepenloftspul yn Jobbegea-Hoarnstersweach: Jubileumfoarstelling "Hindriks Gryt"
Dit jier fiert Ferdivedaasje Jobbegea in bysûnder jubileum: 25 jier Iepenloftspul yn Jobbegea-Hoarnstersweach! Ta eare fan dit feestlike momint bringe wy fan 5 o/m 8 juny 2025 it yndrukwekkende iepenloftspul "Hindriks Gryt", ûnder rezjy fan Tine Bijstra en Trienke Bron.
Dizze bysûndere foarstelling is in bewurking fan it stik Hanna van Hendrik, oarspronklik skreaun troch Bouke Oldenhof, en spesjaal foar dizze jubileumedysje opnij yn it Frysk bewurke. It ferhaal nimt ús mei nei de jierren ’70, dêr’t widdo en buorkerijhâldster Hanna wrakselet mei de feroarjende tiid. Trou oan har ferstoarne man en it boerenbedriuw, fjochtet se tsjin modernisearring, skaalfergrutting en de strange easken fan de bank. Hoe lang kin se it noch folhâlde?
In unike teaterûnderfining yn de natuer
Lykas altyd fynt it iepenloftspul plak op in sfearfolle lokaasje yn it bosk oan de Line by Jobbegea 3e Slûs. De kombinaasje fan teater en natuer soarget foar in ûnferjitlike belibbing.
Foarstellingsdata:
5, 6, 7 en 8 juny 2025 (reservedatum: 9 juny)
Kom en belibje dizze jubileumfoarstelling fol mei drama, skiednis en Fryske grutskens!
Lokaasje: Bosk oan de Line, Jobbegea 3e Slûs
Kaartferkeapynformaasje folget gau
Mis it net en fiere mei ús 25 jier Iepenloftspul yn Jobbegea-Hoarnstersweach!
#HindriksGryt #IepenloftspulJobbegea #FerdivedaasjeJobbegea #25Jier